Грчкиот министер за финансии Јанис Стурнарас побара од својот британски колега Џорџ Озборн информации за грчките државјани кои имаат банкарски сметки во филијалата на ХСБЦ на островот Џерси кој се смета за даночен рај.
„Дејли телеграф“ пред неколку дена пишуваше дека 97 Грци имаат околу 22,3 милиони евра на своите сметки во банката на островот Џерси.
Според истиот напис, на списокот на клиенти на ХСБЦ се дилери со дрога и лица обвинети за финансиски криминал и други казнени дела.
Новиот список со Грци го открил банкарски службеник и на него има повеќе од 4.500 меѓународни клиенти на банката, од кои повеќето се Британци.