„Студентскиот протест завршува. Нашите редари ги соблекоа елеците. Апелираме граѓаните да се повлечат на безбедно“, апелираа студентите на социјалните мрежи на околу два часа пред завршувањето на големиот протест во Белград.
View this post on Instagram
За причините за прекин на протестот, кој требаше да трае до 21 часот, сѐ уште се шпекулира, но веројатно станува збор за извесни насилни провокации за време на 15-минутниот молк. Според српските медиуми, одредена група пред завршувањето на молкот фрлала разни предмети, шишиња, камења и пиротехнички средства кон студентскиот камп лоциран во паркот Пионер.
Студентите за новинарите од агенцијата Бета изјавиле дека собирот ќе се прогласи за завршен доколку има инциденти кои не се предизвикани од студентите.
Репортерот на агенцијата Бета јавува дека во просторот пред Собранието на Србија повеќе нема студентски чувари, туку различни групи луѓе сега шетаат и се собираат пред самата зграда.
Дел од толпата сѐ уште стои на раскрсницата кај Собранието на Србија каде што се случи инцидентот околу 19 часот, но организаторите веќе изјавија дека не сносат одговорност доколку има инциденти.
NAJVAŽNIJI INFO: Iz pravca Pionirskog parka su bačene flaše i kamenice. Ovaj protest više nije studentski. Redari su skinuli markere. Mole se svi da napuste prostor oko Skupštine.
— FDU u blokadi (@sviublokade_fdu) March 15, 2025