Во заедничката акција на српската и германска полиција разбиен е меѓународен нарко-картел, соопшти денеска српскиот министер за внатрешни работи Небојша Стефановиќ.
Тој, на вонредната прес-конференција за новинари, истакна дека со тоа апсење е зададен голем удар на наркокартелите, затоа што се запленети 303 килограми кокаин, 96 килограми канабис, 106 килограми хашиш и седум лаборатории за канабис во Србија и Германија, пренесува Танјуг.
– Вредноста на тие наркотици на уличните пазари се проценува на околу 20 милиони евра, а во текот на акцијата запленети се поголема сума на пари и оружје, рече Стефановиќ.
Лидерот на навивачите на еден од фудбласките клубови од Белград Ј.Ј. (33) и уште 29 лица се уапсени, додека за три лица се трага во големата акција на германската и српската полиција во борба против производство и трговија на наркотици.
Тие се товарат дека се занимавале со организација и промет на наркотици.
Стефановиќ истакна дека истрагата траела 13 месеци и дека акцијата на апсење е одличен пример на прекуграничката сорботка внатре во Европа и борба против прекуграничнииот организиран криминал и корупција.