Владата на Србија на денешната седница формираше тимови за преговори со Русите за долгорочен договор за снабдување со гас и за преговори за НИС, изјави министерката за рударство и енергетика Дубравка Ѓодовиќ Хандановиќ.
Дубравка Ѓедовиќ Хандановиќ по седницата на Владата за Танјуг изјави дека е формирано и Координативно тело кое ќе ја координира работата на тие два тима, а на чело е премиерот Милош Вучевиќ.
Посочува дека и министрите ќе бидат дел од тимовите и дека Владата ќе се потруди ефектите од најавените американски санкции против НИС да не се прелеат негативно врз српската економија.
„Ќе се обидеме да обезбедиме нов долгорочен договор за снабдување со гас со Русите под најдобри услови“, рече министерката.
„Вестите што ги добиваме во врска со санкциите против НИС не се добри, но во наредните денови и недели ќе работиме на зачувување на енергетската стабилност и безбедност, а со тоа и нашата економија, и дека овие ефекти не се прелеваат во бизнисот, бидејќи енергетски производ како што е нафтата влијае на економските активности, но и на граѓаните. Наша цел е да најдеме најдобри решенија за да нема негативни влијанија“, посочи таа.
Таа изјави дека се уште не може да каже кои се тие решенија, дека се работи на неколку сценарија, дека треба да почека да се добие документот и да се види како на крајот ќе се формулира, дали санкциите се во однос на сеопфатна сопственост или на мнозинството или на контролниот пакет.
„Најважно е да разговараме со двете страни, но пред се со Руската Федерација, која е наш партнер во енергетскиот сектор. Се снабдуваме со гас, пред се благодарение на Русија и добрите односи со Русија. Тоа мора да го зачуваме и тоа е апсолутен приоритет и ние ќе ги водиме овие дискусии во тој дух, се разбира на чело со претседателот Вучиќ, кој најави разговори со претседателот Путин и тоа е многу важно“, нагласи министерот.