Грчкиот премиер Алексис Ципрас денеска го информираше австрискиот канцелар Вернер Фејман за планот на грчката Влада за „укинување на привремениот ќорсокак“ каков што беше поднесен до партнерите на земјата.
Ципрас изјави дека овој план воопшто нема да биде на товар на европските даночни обврзници. Тој исто така истакна дека е оптимист во врска со постигнување договор со партнерите.
– Во интерес на сите е да се постигне заемно корисен договор, рече грчкиот премиер.
Австрискиот канцелар претходно изјави дека дека ќе се докаже оти оние кои се обложуваат на неуспехот на Грција, нема да бидат во право. Коментирајќи го овој став, Ципрас рече дека „тие си играат со оган и ризикот од зајакнување на екстремната десница во Европа“.