Владата на Србија, по денешната седница соопшти дека дијалогот во Брисел треба да продолжи без притисок, за да се пронајде праведно решение, кое ќе го осигура животот на Србите, во јужната покраина и за да на Србија и се отворат европските перспективи.
Во соопштението на власта е наведено дека извештајот на нова рунда на разговор во Брисел го поднел потпретседателот на владата, Александар Вучиќ и дека на седницата е заклучено дека интерес на Србија е да се постигне решение.
-Владата на Србија е со ставот да продолжи дијалогот помеѓу Белград и Приштина и во конструктивна атмосфера, без притисок да се пронајде решение кое ќе гарантира сигурен живот на Србите на јужната покарина и ќе отвори нови европски перспективи за Србија – стои во владиното соопштение.
Елена Георгиевска