Србија ќе добие 755.000 евра наменети за згрижување на бегалците и мигрантите во земјата, откако денеска во Париз е потпишан договор за давање неповратни средства меѓу Србија и Банката за развој на Советот на Европа.
Договорот е потпишан за време на состанокот меѓу српскиот премиер Александар Вучиќ и директорот на Банката за развој на СЕ, Ролф Вензел.
Тоа претставува продолжување на помошта од 2,5 милиони евра, која Банката за развој веќе ја имплементирала, и најава за нови грантови на српската Влада за нејзините идни потреби, како за мигрантите, така и за локалното население.
Претставници на Банката за развој на СЕ истакнаа дека Србија претставува добар пример како свесно и одговорно се трошат парите на Банката.