Еден спелеолог е тешко повреден по пад во најголемот пештерски систем во Хрватска, Кита Гачешина.
Во текот на истражувањата на составот на пештерата, на 500 метри длабочина, поради попуштање на еден од клиновите со кои што бил закачен, паднал во провалијата.
Хрватската спасувачка служба покренала итна акција, при што од Загреб со хеликоптер веднаш пристигнал медицински тим кој бил однесен до врвот на пештерата. Една докторка успеала да се спушти во пештерата и да ја стабилизира состојбата на повредениот.
Спасувачката акција ќе трае неколку денови, јавуваат хрватските медиуми бидејќи спелеологот се наоѓа многу длабоко во пештерата и далеку од отворот. Проблемот дополнително го отежнува и системот од тесни канали во пештерата, кои најверојатно ќе треба да се прошируваат за низ нив да мине носилката со повредениот.
Слична акција како оваа била изведена и лани, кога друг спелеолог паднал 300 метри во пештерата. Меѓутоа сега, објаснуваат спасувачите, се работи за многу посериозна мисија и далеку поголема длабочина.