Специјалното обвинителство во Приштина денеска го објави обвинението против 45 лица за вооружениот конфликт во Бањска кај Звечани, кој се случи на 24 септември минатата година.
Според обвинението, тие се товарат за наводен тероризам, односно за кривични дела „против уставниот поредок и безбедноста, финансирање тероризам и перење пари“.
Обвинителот во овој случај, Наим Абази, рече дека се извршени 66 разговори со сведоци и обвинети, а според него, како доказ се земени 120 електрични уреди, 1266 парчиња оружје и друга опрема.