По коронавирусот што го прележа во јули, кога едвај преживеа, Чедомир се придржуваше кон сите совети на лекарите. Не е вистина дека тој бил несовесен и дека неговата состојба се влошила поради тоа, изјави за српски „Блиц“ Јелена Јовановиќ, сопругата на лидерот на ЛДП.
Јовановиќ пред шест месеци имаше сериозна обострана пневмонија на белите дробови, предизвикана од коронавирусот, а според неговата сопруга, тој во тоа време едвај успеал да остане жив.
– Тој беше отпуштен од болницата иако сè уште имаше пневмонија. Неговиот имунитет се намали, па лекарите се плашеа дека ќе го нападне некоја бактерија во болницата. Договорот беше да мирува дома и тој живееше на така. Никогаш не би ги изневерил сите луѓе од Инфективната клиника и „Бежанска коса“ кои го спасија, вели таа и нагласува дека нејзиниот сопруг цело време одел на прегледи и ги следел сите совети на лекарите.
– Сите нè погоди лагата дека тој не ги следел советите на лекарите и дека е одговорен за состојбата во која се наоѓа. Не само затоа што цело време тој и јас бевме фокусирани на неговото лекување, туку пред се затоа што така се лажат луѓето, што се крие вистината за вирусот Ковид-19, што луѓето се доведуваат во заблуда која утре ќе ја плаќаат со борба за својот живот, како што сега ја води мојот сопруг, борба која што ја изгубија толку многу прекрасни луѓе – вели сопругата на Чедомир Јовановиќ.
Иако беше негативен на коронавирус од средината на јули, тој не беше способен за нормален живот, дишеше тешко, брзо се заморуваше, се бореше со своето тело и организмот, кои не можеа да ги следат неговите желби, додава сопругата на Јовановиќ.
– Па, тој не ја извади својата опрема за тренинг од јуни, кога последен пат вежбаше, ден пред неочекувано да отиде во болница, а камоли да тренира – изјави таа и вели дека сè додека не отишол во болница, Јовановиќ секое утро со чаша чај и оставал кардиопирин, витамин Д, витамин Ц, комплекс селен-цинк, омега 3,6,9 и магнезиум навечер – сè што би земал претходно.
Сепак, вели Јелена, последните два месеци чувствувал силна болка во дијафрагмата, велејќи дека здивот неочекувано му се скратува, во последните неколку дена имал болки во градите и стомакот, кои во петокот станале толку неподносливи, што го прекинал состанокот на кој бил и сам отишол во ковид-амбуланта.
– По снимките, лекарите искрено му рекле дека претходно не виделе ништо слично, дека анализите на крв и рендгенски снимки ги надминуваат нивните знаења и дека мора итно да оди во болница. Ми се јави од Клиничко-болничкиот центар „Д-р Драгиша Мишовиќ“, раскажува Јовановиќ.
Последните денови во српските медиуми се појавија разни информации за состојбата на Јовановиќ, кои, според неговата сопруга, не се точни. Тој има обострана пневмонија, која се провлекува од јули заедно со емболија, но лекарите допрва треба да откријат која е вистинската дијагноза.
– Лошо е, тој трпи ужасни болки, поради што покрај четирите антибиотици прима кетанол, тродон, па дури и морфиум. Сите негови параметри се нарушени. Иако прима флексарин неколку пати на ден, Д-димерот кој е одговорен за згрутчување на крвта и предизвикува тромбоза е 12 пати поголем од горната граница, ЦРП-то што укажува на некои воспаленија исто така е зголемено. Железото од 39, што е високо падна на 5. Тие се сомневаа на внатрешно крварење, но за среќа не беше тоа. Неговиот крвен притисок, поради болките, е многу висок и тешко со помош на лекови го враќаат во нормала. Иако на сите ни е тешко, се бориме, особено тој, вие веќе го знаете неговото легендарно „Никогаш нема да се предадеме“ – потсетува таа.
