Сојуз за Србија: Вучиќ договара предавање на Бујановац, Прешево и Медвеѓа

Од:

Денешната изјава на Хашим Тачи дека ќе поднесе оставка или ќе распише референдум доколку косовскиот Парламент не го одобри договорот со Белград, според кој на Косово би му припаднале Бујановац, Прешево и Медвеѓа, е уште еден доказ дека претседателот на Србија, Александар Вучиќ договара предавање на српските општини, а тоа го крие од српската јавност, пишува опозицискиот Сојуз за Србија (СзС) во соопштението доставено до дописникот на МИА во Белград.

– Сојузот за Србија бара од претседателот веднаш да каже што пишува во т.н. „Договор со Белград“, очевидно веќе понуден на косовските власти и кој уште е предмет на тргување, која тој веројатно ја договора. Го потсетуваме дека Србија не е негов имот, па може да го распарчува и да го подарува според сопствена желба, ниту може да преговара во име на сите граѓани, а од нив да крие што става на преговарачка маса, се наведува во соопштението.

СзС го потсетува српскиот претседател дека откажувањето од дел од српската територија е спротивно на Уставот врз кој тој ја има положено заклетвата.

Сојузот за Србија и понатаму останува доследен на почитувањето на Уставот на Република Србија и Резолуцијата 1244 на Советот за безбедност и смета дека во оваа рамка треба да се водат преговорите за решавање на косовското прашање.

Би можело да ве интересира

Нова, втора ковид болница отвори Србија во Крушевац

Предраг Петровиќ

Вучиќ: Македонија го смени името, им ветуваа кули и градови, а на крајот не ги отворија преговорите

Катерина Павлова-Николовска

Судењето на Тачи ќе почне најрано во август следната година

Ана Ололовска

Косовската Влада издвоила 20 милиони евра за обвинетите за воени злосторства

Ана Ололовска

Објавена редигирана верзија на одлуката за потврдување на обвинението против Хашим Тачи и останатите обвинети

Ана Ололовска

Хоти: Вучиќ не добил дозвола да го посети северот на Косово поради „чувствителната ситуација“ во земјата

Жарко Настоски