Србија ќе гради фабрика за модерно вооружување, а потпретеседателот на руската влада Дмитриј Рогозин изразил голема желба да и помогнат на Србија во пласманот. Ова го изјави потпретседателот и министер за одбрана на Србија, Александар Вучиќ кој е во неколкудневна посета на Москва.
„Прв пат сум многу задоволем. Рогозин покажа голема отвореност и голема желба да и помогне на Србија“, изјави Вучиќ.
Тој кажа дека на состанокот станало збор за стратешко-политичките прашања, унапредувањ е на одбранбената политика и развој на српската наменска индустрија, пласирање на робата на рускиот пазар и заеднички српско-руски пласман на трети пазари.
Според него, стручни лица уште од понеделник официјално ќе почнат со изработка на плановите за заеднички модели и заедничко производство.
„Мислам дека тоа ќе даде сериозен резултат во српското стопанство и во наменската индустрија за сите наши десет директни и индиректни воени произведувачи. Тука многу повеќе добива српската страна и задоволен сум што Русите се сложија на таков начин да ни помогнат“, рече Вучиќ.
„До крајот на годината ќе отвориме фабрика за сложени борбени системи, па е потребен пласман на повеќе важни пазари, во што ќе помогне Русија“, рече Вучиќ.