Српскиот претседател Александар Вучиќ на 24 јануари во 17 часот ќе започне кампања за формирање на ново народно движење во Јагодина.
Вучиќ одлучи првиот митинг да го одржи во Јагодина, каде, како што вели, не зборувал повеќе од две децении.
Во Јагодина се очекува да присуствуваат огромен број луѓе од Поморавје и Шумадија, а митингот ќе се одржи на главниот плоштад во тој град.
Истиот ден ќе се организираат и неколку помали собири, а претседателот Вучиќ ќе зборува со народот, бидејќи сака да го слушне нивното мислење. На митинзите ќе се обратат професори, работници, земјоделци и бројни други истакнати членови на општеството, како и млади луѓе кои до сега не биле дел од политиката.
– Првата голема средба ќе биде во Јагодина во петок, на 24 јануари, со почеток, мислам, во 17 часот. Повелете и едвај чекам да се видиме – порача Вучиќ на социјалната мрежа Инстаграм.