Монасите од Света Гора излегоа на снег, а на социјалните мрежи се појавија фотографии од нивната снежна војна.
Прават топки и се маваат едни со други, додека околу нив се уште паѓа снег. Фотографиите се објавени вчера попладне, а денес ги пренесе отец Бобан Митевски од МПЦ.
Објавата со објаснување „Монасите од Григоријат, Света Гора – вистинска детска радост“, отец Митевски го потсети на обидите да излезат на снег монасите кај нас.
„Еднаш едни пишуваа и осудуваа едни благочестиви преподобија кај нас кога направија снешко и се сликаа покрај него…. Ех тоа лицемерие! Од соборноста им е или од квазизилотизмот?“, стои во објавата на отец Митевски кој за „А1он“ објасни дека ја напишал оти го потсетила на негативните коментари кога монасите од Бигорски и од Рајчица направиле снешко и се сликале со него.
Сите коментари под фотографиите на монасите од Света Гора се со поддршка.
„Да се зачува детето во себе е една од најубавите доблести“, „Треба да ја грееме душата наша, а и на другите. Ние сме сепак деца на Бога“, се дел од коментарите.