Одбојкарот на словенечката репрезентација, Јан Клобучар е заразен со вирусот зика за време на тренинзите пред почетокот на Олимписките игри во Рио де Жанеиро.
Како што пишуваат словенечките медиуми, Националниот институт за јавно здравство во земјата го потврдил присуството на вирусот, откако Клобучар по враќањето во Словенија добил висока температура и болки во мускулите, а останатите репрезентативци немале никакви симптоми.
Не е прецизирано како 23 годишниот одбојкар се заразил меѓутоа се верува дека се работи за убод од комарец.
Вирусот зика, кој е присутен во земјите на Северна и Јужна Америка, предизвикува тешки компликации.