САД веќе со години подготвува проект за создавање на голема Албанија, пишува хрватскиот дневен весник Слободна Далмација.
Директорот на Институтот за регионални прогнози и советник на тројца албански премиери, Кочо Данај, вели за весникот дека веќе годинава би требало да биде формирана нова албанска држава што ќе ги обединува сите албански територии.
– Американскиот проект за создавање на голема Албанија, со дипломатски и со воени средства, всушност и се реализира во последните години. Постои историја на американскиот ангажман во регионот, пишува Слободна Далмација.
Како важни фактори за реализирање на овој проект се наведуваат бомбардирањето на Србија и создавањето на големата воена база на Косово, Охридскиот договор во Македонија, како и поддршката на осамостојувањето на Црна Гора и Косово од Србија.