Лидерот на партијата „Има таков народ“, Слави Трифонов, најави намера да работи на иницирање референдум за тоа дали Бугарија да биде претседателска република или да остане парламентарна, јави дописникот на МИА од Софија.
Според Трифонов, бугарскиот народ треба да каже дали е време Бугарија да стане претседателска република или да остане парламентарна.
– Тоа сакаме да ве прашаме на национален референдум. Одлуката треба да биде ваша, бидејќи државата е ваша, коментира лидерот на „Има таков народ“ во видео изјава на својата Фејсбук страница.
Извор: МИА