Сириски бегалец денеска се самозапали во мигрантскиот камп на грчкиот остров Хиос, здобивајќи се со изгореници на 90 проценти од телото.
Како што јави АНА-МПА, при инцидентот со изгореници се здобил и еден полицаец, кој се обидел да му помогне на бегалецот.
Сириецот се решил на ваквиот потег во очајнички обид да изврши притисок за носење одлука по неговото барање за добивање азил во Грција.
Како резултат на договорот меѓу ЕУ и Турција за запирање на мигарантскиот прилив кон Европа, илјадници мигранти, во најголемиот дел Сиријци, останаа блокирани во бегалските кампови на грчките осторви во Егејското Море во близина на турскиот брег, во очекување да добијат одговор на нивните барања за азил.