Утринава во пет часот и 33 минути Одделението за сеизмологија на Црна Гора регистрираше земјотрес со средна јачина, со епицентар на осум километри јужно од Неум во Босна и Херцеговина, кој беше почувствуван и во Црна Гора.
Одделот за сеизмологија соопшти дека јачината на земјотресот во епицентарот бил 4 степени според Рихтеровата скала, што одговара на епицентрален интензитет од VI степени по Меркалиевата скала (MCS).
Според првичните податоци, земјотресот е регистриран на длабочина од 10 километри.
– Врз основа на теоретскиот модел на макросеизмичкото поле на овој регион, јачината на земјотресот и длабочината на хипоцентарот, овој земјотрес можел да предизвика само мала материјална штета во епицентралното подрачје – се наведува во соопштението.