Унгарскиот министер за надворешни работи и трговија, Петер Сијарто, по средбата со министерот за надворешни работи, Марко Ѓуриќ, во Палатата на Србија, изјави дека денес во Белград ќе се договори за техничките детали за помош во снабдувањето со енергија и рече дека Унгарија нема да ја остави Србија без енергетски ресурси.
„Се договорив со министерот за најважните политички прашања и тој ме овласти да се договорам за техничките елементи на овој политички договор со министерката Дубравка Ѓедовиќ подоцна денес, а по таа средба повторно ќе се сретнам со вас за да можеме да се запознаеме за овие детали“, рече Сијарто, кој е во Белград по повод состанокот на министрите за надворешни работи на Централноевропската иницијатива (ЦЕИ).
Сијарто нагласи дека исто како што Унгарија секогаш може да смета на Србија за снабдување со енергија, така и Србија секогаш може да смета на Унгарија да си ги обезбеди потребните енергетски ресурси.
„Никогаш нема да ве оставиме сами. Ќе искористиме сè што е во наша моќ за да ви помогнеме да имате безбедно снабдување со енергија. Затоа, денес ќе се договориме за овие технички детали и ќе ве информираме“, рече Сијарто.