Претседателот на Европскиот парламент Мартин Шулц изрази уверување дека ЕУ треба да утврди датум за почеток на преговори за приемот на Србија и истакна дека Комитетот за надворешни работи во Евро-парламентот, во нацрт-резолуцијата ќе признае дека Србија вложила голем напор.
-Верувам дека лидерите на ЕУ треба да одредат датум за почеток на преговорите, доколку Србија продолжи со спроведување на реформи и понатаму ќе игра конструктивна улога во регионот – изјави тој.
Тој нагласи дека ќе го пренесе големиот напредок, но дека не треба да се радува предвреме.
-Има се уште многу работа, особено во борбата против корупцијата и организираниот криминал, како и заслувањето на државните институции и правосудскиот систем – изјави Шулц.
Тој оцени дека е видлив напредокот во дијалогот на Белград со Приштина и дека состанокот на претседателот Томислав Николиќ и Атифе Јахјаг значи дека државите се подготвени за нормализација на односите.
-Белград и Приштина треба да разговараат за практични работи, дури и ако не се подготвени да разговараат за целокупната, односно доколку се уште не можат да разговараат за конечно решавање на проблемот- изјави Шулц.
Елена Георгиевска