Лекарите и другиот персонал во грчките болници денеска ќе стапат во штрајк поради владините планови за понатамошни кратења на трошоците во здравствениот сектор, кој веќе се соочува со недостиг на персонал и оперативни проблеми.
Болниците во цела Грција ќе работат само со основен персонал од 11 до 14 часот, додека лекарите во Атина ќе протестираат пред Министерството за здравство, а во другите градови пред канцелариите на локалните медицински власти.