Шефот на дипломатијата на ЕУ ја предупреди Србија

Од:

Одржувањето на блиски врски со режимот на рускиот претседател Владимир Путин не е компатибилно со аспирациите за членство во ЕУ, предупреди денеска во Луксембург високиот претставник на ЕУ за надворешна и безбедносна политика, Жозеп Борел.

„Влезот во ЕУ е стратешки избор на земјите од Западен Балкан и одржувањето блиски врски со режимот на Путин не е компатибилно со градење заедничка иднина во рамките на Европската унија“, рече Борел на прес-конференција по завршувањето на состанокот на странските министрите на земјите членки на ЕУ.

За време на работниот ручек, на средбата на европските министри се приклучија и нивните колеги од Западен Балкан, со кои разговараа за усогласување со европската надворешна и безбедносна политика. Србија, која преговара за членство во ЕУ, не сака да ја следи надворешната политика на ЕУ кога е Русија во прашање и одбива да ги воведе санкциите што ЕУ и ги воведе на таа земја поради нејзината агресивна војна против Украина.

Главна тема на состанокот на министрите за надворешни работи на земјите-членки на ЕУ беше помошта за Украина, ситуацијата на Блискиот Исток, Грузија и регионот на Големите езера. Борел најави дека ЕУ ќе ги намали политичките контакти со Грузија, чија влада се доближува до Русија, иако доби европска перспектива. Се размислува и за замрзнување на европската помош за таа земја.

Би можело да ве интересира

ВИДЕО: По драматична потрага пронајдени петтемина исчезнати во Србија, ги немаше четири дена

Катерина Ѓуровски

Српската полиција објави фотографии од осомничените за нападот на студенти во Нови Сад

Кој е Марк Брновиќ, новиот американски амбасадор во Србија

Предраг Петровиќ

ВИДЕО: „Имам добри вести“-директорот на српскиот клинички центар за состојбата на повредените во пожарот во Кочани

Предраг Петровиќ

(ВИДЕО) Вучиќ најави протести: „Народот веќе не се плаши“

Горан Наумовски

Белград: Студентите го блокираат ГСП, заглавени се 130 трамваи и 150 автобуси