Амбасадорот на Србија во НАТО, Бранислав Милинковиќ трагично почина, наведува Министерството за надворешни работи на Србија.
Според српските медиуми, Милинковиќ, се самоубил синоќа на аеродрмот во Брисел. Мотивите за самоубиството се уште не се познати.
Милинковиќ самоубиството го извршил скокајќи од паркингот, пред очите на помошникот министер за надворшени работи на Србија, Зоран Вујиќ, одговорен за одделот за безбедносна политика.
Пред да биде назначен за амбасадор во НАТО, Милинковиќ бил амбасадор на Србија и Црна Гора во ОБСЕ во Виена, а потоа и специјален пратеник во седиштетот на НАТО, по што во 2009 година беше назначен за амбасадор.