Во округот Бор денеска продолжува потрагата по телото на девојчето, седми ден од апсењето на осомничените за убиството на двегодишната Данка Илиќ.
Претресот главно се базира на селото Злот и околината на куќата на Д.Д., еден од осомничените за убиството на девојчето.
Припадници на Управата за криминалистичка полиција (УКП) од Белград и Бор вршат увид во околината на куќата на Д.Д., испразнет е и пребаран резервоарот за вода, а потоа и коритото на блискиот поток.
Надвор од потокот има уште пет акумулации или бунари и се претпоставува дека денеска ќе се работи на тие локации, јавуваат српските медиуми.
Вчера беше пребаран вториот дел од Лазарев, Кањон откако полицијата заедно со спасувачката екипа и Планинарската спасувачка служба ги пребараа првите 3,5 километри. Се пребаруваше и јамата над кањонот длабока 70 метри.
За потрагата се користи специјализирана опрема за спасување и беспилотни летала.
Двегодишно девојче исчезна на 26 март во Бањско поле кај Бор, а по 10-дневна потрага и детални проверки на сите индиции и информации, полицијата ги уапси Ј.С. и Д.Д. од Бор, кои се осомничени дека со автомобил го удриле девојчето, а потоа нејзиното тело го ставиле во багажникот на автомобилот и го однеле на отпад.