Поради очекуваниот пораст на нивото на Дунав, градскиот Штаб за вонредни состојби ги повика жителите, во рибарската населба Орешац и Металор да го следат зголемувањето на нивото на Дунав и на време да се евакуираат.
Орешац и Металор се рибарски населби, каде што голем број живеалишта се изградени на столбови и на самиот брег на реката.
Во градот, особено долж железничката пруга покрај Смедревската тврдина се изградени два одбранбени насипи.
На Дунав кај Бездан, Нови Сад и Сланкамен, се очекува нивото на водата да ја достигне и границата на редовната одбрана од поплави, од денес до среда.
Републичкиот хидрометеоролошки завод во извештајот од понеделник, предупреди дека нивото на Дунав кај Земун, Панчево и Смедерево ќе биде во пораст и ќе се движи над границата за вонредна одбрана.
Е. Г.