Грчкиот премиер Андонис Самарас денеска се очекува да соопшти за промени во коалициската Влада.
Клучен елемент од промените во Кабинетот ќе биде сменувањето на министерот за финансии. Досегашниот министер Јанис Стурнарас најверојатно ќе биде гувернер на централната банка на Грција.
Смени и рокади се очекуваат во министерствата за развој, за здравство, за внатрешни работи и административни реформи како и на ниво на заменик-министри, јавија грчки медиуми.
Министрите за надворешни работи, за одбрана и за туризам најверојатно ќе ги задржат функциите.