Пратеникот Никос Ставројанис денеска е исклучен од парламентарната група на грчката владејачка партија Нова демократија, откако вчера изјави дека нема да гласа за мерките за штедење.
Премиерот Андонис Самарас побарал Ставројанис да биде исклучен и од партијата.
Во интервју за „Реал Њуз“ Ставројанис вчера рече дека не може „свесно да гласа за нефер и неефикасниот пакет кој најмногу ќе ги погоди најсиромашните семејства“.
Грчката Влада деновиве се очекува да склучи договор со тројката меѓународни кредитори за пакетот мерки за заштеда на 13,5 милијарди евра. Пакетот вклучува намалување на трошоците во висина од 11,5 милијарди и две милијарди евра приходи од даноци.