Со учеството во големи проекти како што е Јужниот коридор за гас, Грција ја подобрува својата позиција и ја зголемува улогата на меѓународната енергетска сцена, претворајќи се во „центар на Југоисточна Европа, како и на континентална Европа“, изјави грчкиот премиер Андонис Самарас.
Самарас денеска во Азербејџан учествува на одбележувањето на 20-годишнината од договорите за наоѓалиштето на гас Шах Дениз и почетокот на изградбата на Јужниот коридор за гас.
На настанот присуствуваат делегации од Бугарија, Турција, Италија, Албанија, Црна Гора, Хрватска и Велика Британија.
За Самарас Јужниот коридор е „фактор на долгорочна стабилност, мир и глобална соработка, кој Грција го поддржува од самиот почеток“.
Природниот гас ќе се транспортира од гасното наоѓалиште Шах Дениз по Трансјадранската линија (ТАП), кој ќе поминува низ Турција, Грција и Албанија до Италија, како исто така се планирана да се поврзе со други земји во балканскиот регион преку вертикален грчко-бугарски гасовод, јави грчката државна агенција.