Русија му предаде на Советот за безбедност на ОН алтернативна предлог-резолуција за БиХ, како противтежа на британскиот документ, кој се предлага за усвојување по повод 20-годишнината од геноцидот во Сребреница.
– Овој предлог сметаме дека е ориентиран на помирување на страните, а не создавање на дополнителни линии на поделба во БиХ, изјави портпаролот на руската мисија во ОН, Алексеј Зајцев.
Тој не даде повеќе детали околу главните одредби во документот, кој го предложи Москва.
Велика Британија планира својата предлог-резолуција да ја стави на гласање на 7 јули, четири дена пред одбележувањето на 20-годишнината од геноцидот во Сребреница.