Британската пејачка со албанско потекло, Рита Ора, преку Твитер побара од технолошкиот гигант Епл да го стави Косово на мапата.
Рита се одлучи на овој чекор откако нејзината колешка Дуа Липа објави мапа на „Голема Албанија“ и предизвика лавина од реакции.
Would love to see @Apple spreading awareness by putting Kosovo on the map! Albania and Kosovo are full of so much beautiful and great talent. Spreading Love, Peace and Unity today with @BebeRexha @DUALIPA @strefie @Dafina_Zeqiri @AvaMax and soooo many others ???? pic.twitter.com/7FP7pkst8I
— Rita Ora ⚡️ (@RitaOra) July 20, 2020
Рита Ора, која има 6,7 милиони следбеници на Твитер, објави фотографија на која пишува „Ставете го Косово на мапата“.
Во објавата, прозвани се и пејачките Дафина Зеќири, Ера Истрефи, Дуа Липа и пејачката со македонско потекло Бебе Реџа.
Компанијата Епл одбива да го стави Косово на својата мапа, затоа што се уште не е признаено од неколку држави членки на Обединетите нации.
Пејачката Рита Ора е родена во Приштина, а уште како дете со нејзиното семејство се отселила во Британија.
Интересно за двете пејачки со албанско потекло е што нивните дедовци биле пријатели, а таткото на Липа на неговиот Инстаграм-профил има споделено и нивна заедничка фотографија.
