Владата на Србија на денешната седница едногласно ја усвои платформата за Косово, што беше предложена од претседателот Томислав Николиќ и резолуцијата која ги дефинира основните принципи за преговорите со Приштина, јави Танјуг .
Претседателот Николиќ изјави дека Србија денеска покажа едногласен став и единство за прашањето на Косово и порача дека е делумно смирен бидејќи големата обврска и товар што го носел и презел, заедно со Владата, денеска биле исполнети.
-Србија барем денеска на седницата на Владата покажа дека може едногласно да застане зад еден документ, и покрај сите ограничувања и стравувања кои некој ги има кога разговара за Косово и во секоја надеж со оглед на фактот дека мина многу време и дека тоа што денеска го правиме е минимум во однос на она што можевме да добиеме пред неколку година и максимум од она што можеме да го добиеме за неколку години, рече Николиќ.
Николиќ порача дека е со Владата и дека ниту еден момент нема да се тргне од процесот на решавање на косовското прашање.
-Сакам да и помогнам на Владата и што и да им затреба можат да ми побараат помош бидејќи денеска бев на седница на Влада која заслужува да и се помогне, рече Николиќ.
Тој изрази очкеување дека и опозицијата во Собранието на Србија ќе ја поддржи Владата во спроведување на резолуцијата за Косово, која, како што наведе, е единствено можна.
– Се надевам декла и пратенциите во Собранието на Србија ќе ја сфатат важноста на моментот, рече Николиќ.