Институтот за морска биологија на Универзитетот во Црна Гора забележа дека во Јадранското Море има вкупно 44 видови ајкули што сочинува 75 проценти од сите видови рскавични риби во Јадранот.
Институцијата соопшти дека на брегот на Црна Гора е забележан редок вид на Медитеранот – песочното куче, додека најчест вид на голема ајкула е синото куче.
Сепак, посочуваат, она со што се соочуваат ајкулите е масовното истребување.
Илија Четковиќ, од Институтот за морска биологија, чија област на истражување се ајкулите, вели дека спротивно на вообичаеното мислење на луѓето, овие видови можат да се најдат во сите мориња во светот, вклучително и во Јадранот, пренесува Вијести.