Речиси тон хероин е откриен во складиште близу Атина при што се уапсени 14 луѓе. Тоа е второ запленување дрога во изминатите седум дена, соопшти денеска грчката полиција.
Според првичните информации, 986,5 килограми хероин се донесени со танкер во Грција и пронајдени во складиште во поморското место Коропи на околу 40 км. од Атина.
Меѓу уапсените најголем број се членови на екипаж од танкерот – 10 се странци и директорот на грчка компанија кој е сопственик на бродот како и тројца други вмешани во аферата. Пред една недела повеќе од еден тон хероин беа пронајдени во друго складиште во Атина и уапсени 11 луѓе.