Шефот на бугарското подземје, Златимир Иванов е ранет во вооружена пресметка пред Палатата на правдата во Софија, каде што дошол да поднесе жалба на пресудата со која е осуден на осум години затвор.
Познат под прекарот Баретата добил четири прострелни рани во делот на нозете, стомакот и препоните, додека неговиот телохранител е погоден во ногата.
Двајцата повредени биле префрлени во Центарот за итна медицинска помош во Софија, пренесоа бугарските медиуми, додавајќи дека неговите телохранители успеале да возвратат на противниците, но напаѓачот успеал да побегне.