Рама напиша нацрт-план за формирање на ЗСО на северот на Косовo

Од:

Албанскиот премиер Еди Рама изјави дека напишал нацрт-план за формирање на Заедницата на српските општини (ЗСО) на северот на Косово и дека тој нацрт им го препратил на францускиот претседател Емануел Макрон и на германскиот канцелар Олаф Шолц, како и до претседателот на Европскиот совет, Шарл Мишел и „американската страна“.

Како што јави Албанијан пост, Рама изјавил дека се работи за нацрт кој „долго го подготвувале“ највисоките американски и европски експерти, што било направено, како што изјави Рама на прес-конференцијата, во случај да дојде овој ден.

„За мене е неразбирлива позицијата на Косово, а не на Србија. Партиите не можат да се договорат кој да го напише овој текст, а веќе не се договараат што треба да има во текстот на нацртот“, рече Рама.

Тој оцени дека „Гордиев јазол на дијалогот“ ќе биде ЗСО.

„Одамна знам дека Гордиевиот јазол на дијалогот ќе биде обединување на општините со српско мнозинство и верувам дека ниту една страна не ја сака таа заедница и дека ќе дадат се од себе да продолжи вака до бесконечност“, рече албанскиот премиер и додаде дека неговиот нацрт е доверлив документ, кој „без сомнение“ не претендира да биде идеално решение.

„Ве уверувам дека тоа е документ од највисоко меѓународно ниво кој ги зема предвид сите причини за создавањето на ЗСО и секако се грижи тоа да биде дел од организацијата на животот во Република Косово, почитувајќи ги сите препораки или заклучоци на Уставниот суд на Косово“, рече тој.

Би можело да ве интересира

Таравари, Фетаи и Ќоку, првата посета надвор од земјава ја остварија во Косово

Надал се согласи со Рама-отвора академија за тенис во Албанија

Предраг Петровиќ

Маж во Косово почина по семејно насилство: Синот е осомничен дека го претепал

Ховениер: Косово да ги исполни сите свои обврски

Инцидент во Косовска Митровица, двајца прободени со нож по финален натпревар

Пеќ: Ранети се три лица, по напаѓачот е распишана потерница

Горан Наумовски