Турската полиција во акција во неколку градови, уапси 85 лица осомничени за врски со една тајна организација на екстремната левица, објавија медиумите.
Меѓу уапсените во Анкара, Измир и Истанбул се околу 15 адвокати од канцеларијата позната дека ги брани активистите на екстремната левица, наведе телевизијата НТВ.
Рацијата беше насочена кон извори блиски на партијата / фронт за ослободување на револуционерниот народ (DHKP-C), која е одговорна за бројни насилни акции во Турција од крајот на 1970-тите.
Партијата ја презеде одговорноста за самоубиствениот бомбашки напад во Истанбул на 11 септември минатата година, кога е убиен еден полицаец. САД и
Европската Унија ја вклучија во списокот на терористички организации.