Едно лице загина, а две други се повредени во хотел во приштинска населба, пренесуваат косовските медиуми.
Според портпаролката на косовската полиција за регионот на Приштина, Фљора Ахмети, денеска околу 13 часот и 20 минути полицијата добила информација за пукање во хотел во населбата Арберија во Приштина.
На местото веднаш пристигнале полициски единици и медицинска екипа, додаде Ахмети.
Според првичните информации едно лице се здобило со прострелни рани и починало на лице место, а лекарската екипа ја констатирала смртта.
Две лица се повредени и испратени во болница.
Полициските истражители во координација со државниот обвинител работат на расветлување на сите околности поврзани со настанот, јавува Косово онлајн.