Централната изборна комисија (ЦИК) во Приштина на својата веб-страница почна да ги објавува првите резултати од денешните избори за Собранието на Косово.
Според резултатите од 134 избирачки места, Самоопределување освои најмногу гласови – 37,18 отсто, додека најсилната српска партија Српска листа освоила 4,98 отсто од гласовите.
Демократската партија на Косово освоила 25,10 отсто од гласовите, Демократската лига на Косово 17,28 отсто, а Алијансата за иднината 8,86 отсто од гласовите.
Ова се резултатите од 5,29 отсто од избирачките места, се наведува на веб-страницата на ЦИК во Приштина.