Прва жртва од западнонилската треска во Србија

Од:

На Инфективната клиника во Белград почина 84-годишна жена од Западнонилска треска. Починатата имаше и други хронични болести.

Тоа е прва жртва во Србија од Западнонилска треска, вирусно заболување што го пренесуваат заразени комарци.

Во Србија се регистрирани уште три пациенти инфицирани со Западнонилска треска.

Западнонилската треска е вирусна се пренесува со убод на заразен комарец. Преносителот е комарецот „Culex pipiens“. Главен резервоар на зараза се различни видови птици, додека човекот е случаен „слеп домаќин“ и инфекцијата од него не се пренесува понатаму.

Поголемиот број од заразените околу 80 проценти немаат никакви симптоми, додека кај останатите инфицирани лица симптомите потсетуваат на грип. Само кај помалку од еден процент инфицирани со Западнонилска треска може да дојде до тешки компликации менингитис и енцефалитис.

Лекарите за намалување на ризикот од зараза советуваат редовно користење репеленти при претстој на отворено, облека до долги ракави и долги панталони, да се избегнува претстојување во природа од стемнување до зора, периоид кога комарците се најактивни и да се користи заштитна мрежа на прозорците и вратите.

Би можело да ве интересира

ВИДЕО: По драматична потрага пронајдени петтемина исчезнати во Србија, ги немаше четири дена

Катерина Ѓуровски

Српската полиција објави фотографии од осомничените за нападот на студенти во Нови Сад

Кој е Марк Брновиќ, новиот американски амбасадор во Србија

Предраг Петровиќ

ВИДЕО: „Имам добри вести“-директорот на српскиот клинички центар за состојбата на повредените во пожарот во Кочани

Предраг Петровиќ

(ВИДЕО) Вучиќ најави протести: „Народот веќе не се плаши“

Горан Наумовски

Белград: Студентите го блокираат ГСП, заглавени се 130 трамваи и 150 автобуси