Неколку илјади студенти и граѓани се собраа денес пред Палатата на правдата во Белград поради апсењето на студенти и учесници на студентскиот протест на плоштадот Славија претходниот ден.
Улицата Савска во овој дел од градот е блокирана, а собраните свиреа со свирки и извикуваа „Пуштете ги сите“, „Вучиќ си оди“.
Репортер на РСЕ/РЛ претходно објави дека силни полициски сили се присутни во близина на Палатата на правдата, а дека полицајци во опрема за нереди се наоѓаат и во самата зграда на Палатата на правдата.
Студентите во блокадата повикаа на овој протест на социјалните мрежи, наведувајќи дека по митингот на 28 јуни „голем број граѓани беа уапсени“, вклучувајќи многу студенти.
„Вчера бевме сведоци на брутално полициско насилство“, се наведува во соопштението.