Локалната администрација во Грција денеска ќе биде затворена на три часа поради протестот на градоначалниците и локалните службеници пред зградата на Парламентот во Атина против наредбата на Владата да префрлат парични резерви од општинските претпријатија во Централната банка за да и помогнат на земјата да ги изврши своите финансиски должности и да избегне банкрот.
Поради „симболичниот“ протест институциите на локалната власт ќе бидат затворени од 12 до 15 часот со исклучок на социјалните служби.
Одлуката за тоа беше донесена од раководството на Сојузот на општините во Грција.