Учениците од атинските средни училишта вчера попладне одржаа протест во центарот на градот, на кој според соопштение на огранизаторот имало околу 3.000 лица, додека според податоци од полицијата се работи за околу 1.000 средношколци.
Инаку мотив за протестите ширум Грција се реформите во образованието, дефицит од наставен кадар и учебници, испитните прашања и проблеми за изградба на нови училишни објекти.
Како што пренесуваат медиумите на вчерашните протести регистрирани се само помали инциденти, односно учениците со овошје фрлале врз полицајците пред зградата на грчкиот парламент.
Инаку вчера нешто порано група од околу 500 студенти и ученици предводени од комунистичката партија на Грција (ККЕ) исто така протестирале пред парламентот.
Во меѓувреме Министерството за образование соопшти дека бројот на средни училишта во кои учениците штрајкуваат е намален од 580 на 253.
Е. Г.