Приштина и Јужна Митровица ќе избираат градоначалници во вториот круг од локалните избори што ќе се одржат на 9 ноември. Во првиот круг, ниту еден од кандидатите не освоил повеќе од 50 проценти од гласовите, според податоците објавени на веб-страницата на Централната изборна комисија во Приштина (ЦИК).
Според овие податоци, кандидатите на Самоопределување водат во првиот круг во Подуево, Косовска Каменица и Штимје, додека кандидатите на Демократскиот сојуз на Косово водат во Липљан. Во Србица, Генерал Јанковиќ и Феризај, кандидатите на Демократската партија на Косово се во водство, додека во Дечани, кандидатите на Алијансата за иднината на Косово се во водство.
Во Приштина, кандидатите на Демократскиот сојуз на Косово и Самоопределување се пласираат во вториот круг, исто и во во Јужна Митровица.
Во Липљан, кандидатите на Демократската партија на Косово и Демократскиот сојуз на Косово одат во вториот круг.
Bо Обилиќ во вториот круг се пласираа Демократскиот сојуз и Самоопределувањето, а во Вучитрн кандидатите на Демократскиот сојуз и Самоопределувањето.
Во Пеќ, Демократскиот сојуз на Косово и Самоопределувањето одат во вториот круг, а во Ѓаковица, кандидатите на Алијансата за иднината на Косово и Самоопределувањето одат во вториот круг.
Според податоците на ЦИК, излезноста на изборите била 39,51 процент, а највисока излезност е забележана во српските области.