Граничниот премин Евзони на македонско-грчката граница, кој досега беше отворен само од седум часот наутро до 23 навечер, од утре ќе работи 24 часа, објави фејсбук-страницата „Live From Greece“, која ги следи ограничувањата за влез во земјата.
Од утре, граничните премини Евзони, Промахонас, Дојрани, Ники, Кастаниес, Кипи, Нимфаја, Орменио, Кристалопиги и Какавија ќе бидат отворени 24 часа на ден, а од задутре преминот Ексохи, на грчко-бугарската граница, ќе работи нон-стоп.