Во семејната куќа во Козарска Дубица (Република Српска) синоќа избувна пожар, пронајдени се три јагленосани тела чиј идентитет се уште не е утврден, изјави за „Срна“ в.д. главниот обвинител на Окружното јавно обвинителство Приједор, Слаѓана Мариќ.
Таа изјави дека истрагата ја спровеле припадници на полициската управа Приједор и дека на местото на настанот излезе инспектор за противпожарна заштита за да ја утврди причината за пожарот.
– Обвинителот ќе издаде наредба за обдукција за утврдување на причината за смртта и нареди да преземат дејствија од страна на овластени службени лица – рече Мариќ.
Потврдено е дека три лица загинаа во пожарот што синоќа се случи во населбата „Парниче“ во Козарска Дубица, потврдија од полициската управа Приједор.
– При гаснењето на пожарот, пожарникарите пронашле три јагленосани тела. Истрагата е во тек и се работи за идентификација на жртвите и откривање на причините за пожарот – потврдија од полицијата.
Од Територијалната противпожарна единица и спасување соопштија дека пожарникарите добиле дојава за пожар синоќа околу 22.30 часот, а интервенцијата траела до 01.40 часот.