Пожар беснее во шумски локалитет во истанбулскиот кварт Бејкоз. Огнот може да стигне до градската магистрала, која води до мостот Фатих Султан Мехмет.
Ветрот го насочува чадот директно кон магистралата, поради што е намалена видливоста за возачите.
Пожарот во Бејкоз, во азискиот дел на Истанбул, почна попладнево на пет различни места. Причините за пожарот засега се нејасни.
Во реонот на инцидентот се испратени многу противпожарни возила и два хеликоптери за гаснење на пожари.