Мерките на штедење кои се спроведуваат во Грција предизвикале раст на самоубиствата кај мажите, потврдува најновото истражување на британскиот Универзитет во Портсмут, пренесува албанската агенција Балкан веб.
Истражувањето потврдило дека 551 маж во Грција си го одзел животот во периодот меѓу 2009 и 2010 година, што претставува речиси едно лице дневно.
– Имајќи предвид дека во 2010 година се регистрирани по две самоубиства дневно во Грција, се чини дека во 50 проценти од овие случаи причините се мерките за штедење”, -стои во истражувањето.
Авторите на истражувањето навеле дека не забележале зголемен број самоубиства кај жените во Грција.
Според истражувањата најпогодени од овој феномен се мажите на возраст од 45 до 89 години, поради скусувањето на платите или пензиите.
Во целина, од почетокот на економска криза се забележува раст на самоубиствата во цела Европа, но најмногу такви случаи се регистрирани во Грција, каде што економско финансиската ситуација е најтешка.