Поранешниот хрватски претседател Иво Јосиповиќ формира партија Напред Хрватска – прогресивен сојуз.
Тој на денешното основачко собрание истакна дека ќе се бори за напредок, кој ќе овозможи економски пораст, работни места и пристоен живот за секој човек, јави Хина.
Јосиповиќ посочи и дека новата партија ќе се залага за обрзована, претприемачка, демократска, еколошка и меѓународно афирмирана Хрватска, како и за социјална правда и економски пораст, регионализација и децентрализација на земјата, како и за изборни реформи.
Новата партија веднаш ќе стане парламентарна бидејќи меѓу основачите е и пратеникот Јосип Крегар.
Јосиповиќ наведе дека очекува Напред Хрватска – прогресивен сојуз да има добар успех на претстојните парламентарни избори.