Поранешниот директор на Централната банка на Република Кипар и поранешен министер за внатрешни работи и за финансии Христодулос Христодулу осуден е на пет месеци затвор и на парична казна од 13.500 евра поради затајување на данок.
Судот утврдил дека Христодулу повеќе години затајувал данок и оти еден милион евра биле префрлени од неговата фирма во фирмата на грчкиот бизнисмен Михалис Золотас.
Кипарските медиуми наведуваат дека пресудата за Христодулу е порака до трети лица за тоа дека можат да бидат казнети за нивните дела.